მიგრაციისა და ლტოლვილთა ფედერალური სამსახურის მონაცემებით, საქართველოდან თავშესაფრის მაძიებელთა 2018 წელს სტატისტიკა შემდეგნაირად გამოიყურება: იანვარი – 745 განაცხადი, თებერვალი – 595, მარტი – 490, აპრილი – 350, მაისი – 221 განაცხადი.
ამასთან, მიმდინარე წლის მაისის მაჩვენებელი გასული წლის მაისის მონაცემებზე ნაკლებია. შარშან მაისში შესაბამის სამსახურში, გერმანიაში საქართველოდან თავშესაფრის მაძიებელთა 240 განაცხადი დაფიქსირდა.
ამასთან, მაისის მონაცემებით, საქართველო აღარ არის თავშესაფრის მაძიებელთა ძირითადი წარმოშობის ქვეყნების ათეულში.
ოფიციალური მონაცემებით, გერმანიაში საქართველოდან თავშესაფარი, ხუთი თვის ანგარიშის თანახმად, მხოლოდ ორმა პირმა მიიღო.
ავტორი – ქეთევან ქარდავა 1TV.GE
