სასიხარულო ამბავი იტალიის რესპუბლიკაში მაცხოვრებელი ემიგრანტებისთვის – ემიგრანტის გზამკვლევის მესამე შევსებული გამოცემა გამოიცა,რომელიც იტალიის ქართული დიასპორის აქტიური და ცნობილი წარმომადგენლის, ასოციაცია A.I.S. და ქართული საკვირაო სკოლის დამფუძნებელის, იურისტის, იტალიის სასამართლოს მიერ აღიარებული მედიატორის და თარჯიმნის ნინო რურუას ინიციატივით და მისივე უშუალო თარგმანით გამოიცა.
,,იტალიაში ემიგრანტის გზამკვლევის” აღნიშნული გამოცემა გამორჩეულია იმით რომ მასში შესულია ყველა ძირითადი ინფორმაცია და იტალიური კანონდებლობის ის მონაკვეთები, რომლებიც საჭიროა იტალიის რესპუბლიკაში მაცხოვრებელი ქართველი ემიგრანტებისთვის. რათა გაეცნონ მოქმედი კანონმდებლობით გათვალსწინებულ მათთვის განკუთვნილ უფლება-მოვალეობებს და ისარგებლონ.
აქვე ავღნიშნავთ გზამკვლევის პირველი გამცემა ნინა რურუას მიერ 2017 წელს გამოიცა და მასში ძირითადად იტალიური კანონმდებლობის ის ნაწილი იყო შესული რომელიც ოჯახში დასაქმებულ ემიგრანტთა უფლებებს ეხებოდა.
,,იტალიაში ემიგრანტის გზამკვლევის” მესამე შევსებული გამოცემა 27 სექტემბრიდან იქნება ხელმისაწვდომი და მისი პირველი პრეზენტაციაც ქალაქრ ბარში ასოციაცია A.I.S.- ში შედგება.
