დღეს საქართველოს პარლამენტის საგარეო ურთიერთობათა და დიასპორისა და კავკასიის საკითხთა კომიტეტების გაერთიანებულ სხდომაზე საქართველოს 2019 წლის სახელმწიფო ბიუჯეტის კანონპროექტი თანმდევ საკითხებთან ერთად განიხილეს. კანონპროექტები სხდომაზე ფინანსთა მინისტრის მოადგილემ ცოტნე ყავლაშვილმა წარადგინა. საიდანაც ცნობილი ხდება რომ 2019 წლის ბიუჯეტში საზღვარგარეთ საქართველოს დიპლომატიური დაწესებულებების – საელჩოებისა და საკონსულოების ხარჯები იზრდება და ის 2019 წელს 100,245 მლნ. ლარს შეადგენს. აღსანიშნავია რომ საქართველოს საგარეო საქმეთა სამინისტროსთვის გამოყოფილი თანხების დიდი ნაწილი სწორედ უცხოეთში აკრედიტებულ საელჩოებს და საკონსულოებს მოხბარდება. სულ კი საგარეო საქამეთა სამინისტროს დაფინანსება 127.0 მლნ ლარი იქნება.
აღნიშნული უწყება დამატებით 385 ათასი ლარიდან 545 ათას ლარამდე ზრდის ასევე დაფინანსებას საერთაშორისო ურთიერთობების დარგში მოხელეთა კვალიფიკაციის ამაღლების პროგრამისათვის.
