საქართველოს 2019 წლის სახელმწიფო ბიუჯეტის კანონპროექტით წინა წელთან შედარებით 800 000 ლარით იზრდება დიასპორული პოლიტიკის მიმართულების დაფინანსება და ის 2 200 000 ლარს გახდება. საგარეო საქმეთა მინისტრის მოადგილის, ხათუნა თოთლაძის განმარტებით დიასპორული პოლიტიკის განხორციელების კუთხით დაგეგმილია დიასპორისათვის საგანმანათლებლო პროგრამების, სხვადასხვა პროექტების და ღონისძიებების განხორციელება, მათ შორის საკვირაო სკოლების მხარდაჭერა, პროექტი „იყავი შენი ქვეყნის ახალგაზრდა ელჩი“, დიასპორული სტაჟირების პროგრამა, თანამემამულეების მონაწილეობა საზაფხულო ბანაკებში, დიასპორის დღის აღნიშვნა, დიასპორული ორგანიზაციების ორგანიზაციული განვითარების პროგრამა.
დიასპორისა და კავკასიის საკითხთა კომიტეტის თავმჯდომარის ზვიად კვაჭანტირაძის განცხადებით დიასპორისა და კავკასიის საკითხთა და საგარეო ურთიერთობათა კომიტეტების გაერთიანებულ სხდომაზე საქართველოს 2019 წლის სახელმწიფო ბიუჯეტის კანონპროექტს მხარი დაუჭირეს.
